Kokoro Tokyo Mazesoba (Hennessy Road)

話說今日去開灣仔，當然唔熟路嘅我地要Search下有咩可以醫肚啦~! 又俾我地搵到呢間過江龍嘅日式撈麵店。KOKORO品牌係2014年仲榮獲全日本最佳 Mazesoba大獎，我相信水準點都有返咁上下嘅~佢強調自己「不是拉麵，不是沾面， 是東京撈麵.ᐟ.ᐟ」

根據佢教嘅食法，真係可以食到3個層次出黎，首先係原味，之後落黑胡椒就覺得個麵香左，味道提升左，之後再加入佢地個秘製香醋，雖然只係有少許酸，但係個醬汁就好明顯再昇華左，入口會覺得想一啖再一啖咁接住食！


- 𝗪𝗛𝗔𝗧 𝗪𝗘 𝗢𝗥𝗗𝗘𝗥 - (2大1小)

🍜正宗全料東京撈麵
碗撈麵好足料，日本生蛋同醬汁都好味👍🏼而且仲做到好掛麵，啖啖麵都充滿醬料！仲可以一麵四食，食到唔同層次，最後仲可以用一啖飯去撈埋個汁！無得頂👍🏼

正宗全料東京撈麵

🍜雞白湯拉麵
一黎到個湯係舖滿白色泡泡，雖然湯底比平時嗰啲清淡，食落就唔覺有味精味，好似真係有用雞淆出嚟咁！麵質有咬口，唔太硬！最欣賞佢係連湯麵都可以做到湯汁掛麵👍🏼

雞白湯拉麵

🥃𝑀𝒶𝓉𝒸𝒽𝒶 𝐿𝒶𝓉𝓉𝑒
🥃𝒲𝒽𝒾𝓈𝓀𝑒𝓎 𝐻𝒾𝑔𝒽𝒷𝒶𝓁𝓁

𝑀𝒶𝓉𝒸𝒽𝒶 𝐿𝒶𝓉𝓉𝑒 & 𝒲𝒽𝒾𝓈𝓀𝑒𝓎 𝐻𝒾𝑔𝒽𝒷𝒶𝓁𝓁