日系懷舊 Vibes滿滿，裝潢好有心思，打卡位唔少。🔥餐廳人氣 No. 1壽喜燒套餐，包括咗一份肉同蔬菜拼盤、雜錦關東煮、2款小食、黑松露芝士燉飯
🌀 澳洲 M9 和牛西冷 & 美國頂級牛頸脊 & 濟州豬腩肉片
餐廳提供了關東風壽喜燒，由店員即場幫你慢慢燒! 職員會用牛油微微煎香個鍋，然後再將和牛西冷、濟州豬腩肉片逐塊逐塊放入去慢慢燒，之後落砂糖+秘製壽喜燒醬汁，甜香入味。
豬腩肉嫩得嚟唔膩，真係好想加碗白飯！跟餐豆腐蔬菜入壽喜燒汁到索曬味，對我呢個草食愛好者有少少唔夠，但好惹味。
🌀 黑松露芝士燉飯
煮完肉之後用返壽喜燒汁再燉飯，加入芝士黑松露醬+日本蛋，撈一撈飯粒吸晒精華，份量夠晒飽肚。
🌀 關東煮
鰹魚湯底清甜暖胃🍢，配料超多：白蘿蔔、蒟蒻、魚板、竹輪、魚糕、高麗菜⋯⋯低卡又滿足，一次滿足幾個願望。
🌀 明太子玉子燒 & 燒味醂魚乾
玉子燒滑嫩多汁，明太子鹹香剛剛好🍳。魚乾塗上味醂同蜂蜜烘烤，完全唔覺得腥幾有風味。好好咬又甜鹹甜鹹，係度等壽喜燒煮既時候忍唔住清曬。
2
