牛川日本和牛專門店 (Closed)

朋友去完日本旅行，問佢日本有咩特別野食，佢話試過食和牛刺身，對於除咗海鮮，未食過其他刺身嘅我黎講，相當之新鮮好奇。我搵下香港有邊度可以食，畀我搵到依間和牛專門店，除咗有飛驒牛嘅刺身，仲有好多其他野食，我當然立即book位，同個朋友試下，夠唔夠日本好食啦！！！我地揀咗尊貴日本和牛放題＄458一位，一開始除咗有A5和牛拼盤，仲有好搶眼嘅刺身拼盤，裡面有三文魚、吞拿魚、牡丹蝦、帆立貝、油甘魚，仲有生蠔，每樣刺身都係水準以上，尤其是帆立貝，好鮮甜好飽滿。燒和牛沙律都好正，所有菜都新鮮，尤其是生菜，咬落十分爽口。薄片嘅燒和牛，搭配酸酸地嘅汁，再加上新鮮菜類，成件事好清新開胃！再試試飛驒牛刺身，油花剛剛好，食落又冇肉腥味，有牛肉嘅鮮味，感覺好特別，推介推介！！！再黎就係炸牡丹蝦，隻蝦勁大隻，而且兩隻蝦入面都有好多蝦籽，簡直係多春蝦！外層炸得香脆唔會好多炸粉，蝦依然保持鮮味，外脆內鮮嫩，仲有蝦籽加持，忍唔住要叫多碟。至於和牛拼盤方面，分別有A5 熊本黑毛和牛 牛肩胛，A5牛匠岩手黑毛和牛 牛冧，A5 熊本黑毛和牛 稀有千本筋，A4 牛匠黑毛和牛 牛肩梅花， A4 牛匠黑毛和牛 後腰肉及牛川秘制香茅牛