蒜香辣椒蜆肉意大利粉配軟殼蟹 $138
金黃酥脆的軟殼蟹係亮點，意粉彈牙，入口香辣惹味，味道有少少似冬蔭功，蜆肉鮮嫩，整體調味恰到好處。
蟹膏甲羅燒醬油漬角切三文魚丼 $148
夕陽富士山嘅造型非常有特色，山形嘅飯上面係蛋白泡同醬油漬蛋黃。配埋濃郁甘香嘅甲羅燒蟹膏、醬油漬角切三文魚、蟹籽蟹柳同其他配料撈勻一齊食，每一啖都係鹹鮮嘅海之風味。
秋名山藤原豆腐咖啡/靜岡抹茶豆乳
我哋兩個都加咗套餐，豆腐咖啡就非常特別，香濃咖啡入面加咗幼滑嘅豆腐花，飲落除咗增添口感，更加有淡淡豆香。靜岡抹茶豆乳唔單止茶味醇厚，豆乳味都好香。
柚子芝士蛋糕/Tiramisu
柚子芝士蛋糕清新唔膩，口感綿密，食落有啖啖柚子嘅清香。Tiramisu口感偏向似蛋糕，咖啡酒味唔會太濃。
。
。
汐 (銅鑼灣)
銅鑼灣耀華街3號百樂中心13樓1303號舖
。
。
