今日有要事行去元朗廣場，所以係元朗廣場附近找野食，經過呢間小店我地望下啲餐牌，決定入去試下。
我地叫左：
芝麻雞翼：
雞翼炸得幾香！咬落去幾脆，而裏面都好juicy，仲啱啱炸起，真係好好食。
蒲燒鰻魚定食：
半條招牌蒲燒鰻魚定食到左上枱，鰻魚肉質都算厚， 食落口鰻魚充滿醬汁的香味，都幾美味。
貓飯我地未試過，個貓飯有紫菜、木魚花、豉油，侍應叫我地碗飯要撈勻先食，而定食仲有前菜、漬物、煎茶、味噌湯添。
蟹膏蜆肉炒飯：
呢個炒飯，好多蜆肉，食到有蟹膏味。
今次呢一餐唔錯，埋單都唔算太貴。呢個價錢下次會再幫襯及試下其他菜式。
