Grandmama Cafe

終於試左婆婆珈琲屋。晚市18:30 先開始, 中間會休場, 我18:30去到, 都多人架, 所以最好book 一book 枱先。佢話食飯限時90分鐘。叫左兩個dinner set (+drinks) + 一個富士山飯團總共 $362, 可以簽卡。 我叫左個咖喱雞肉飯, 朋友就叫左個生姜豚肉飯。每個set 都會跟三個小菜 + 蒸蛋, 我個人唔食糖心蛋, 都可以轉多做一碟菠菜, 幾flexible, 唔錯。食物質素都唔差。個富士山叫黎純粹為打卡影相用, 但味道都OK架, 明太子味.. 唔係伏野。
不過始終店內環境細細, 唔係話坐得好舒服, 所以佢限時90分鐘都變左合理, 你都唔會想坐好耐。

餐廳同一層, 有個位係賣下日本雜貨, D 野都幾特別下, 可以睇埋。