仲有好多打卡位可以影。餐廳環境舒服空間感十足，唔會覺得逼。
叫左個二人套餐$288，湯底2選1揀左胡椒豬肚雞半隻，雞係另上，D雞好鮮甜。湯底胡椒味好重好正，入面有好多豬肚添。
煲仔飯揀左來發師父飯(臘味粒)，有''來發''2個字應該係招牌菜掛，哇一試就覺得超好食，好香既臘味，有D炸芋頭粒，最正係有脆卜卜既飯焦
。
套餐仲包左份蔬菜拼盤好新鮮，D粟米好甜。
我地3個人食所以再散叫左美國雪花牛肉$238好新鮮牛味重，淥幾下食得好淋呀。
炸鮮墨魚丸$48係新鮮手打嫁唔係急凍貨，即炸熱辣辣好脆口，食到好多墨魚好彈牙爽口。
芝士獅子狗$68入面D芝士正到丫。
1
最後食稻庭烏冬吸哂啲湯底精華好入味好滑。
野飲叫左手打檸檬茶，第一次飲好好飲，好飲過茶餐廳檸檬茶。
叫左咁多野食食到好飽，依間火鍋店食物新鮮好好味環境又好，仲有好多野食未試，下次一定要再試下其他野！
