下午4點睇完戲去醫肚，唔使等位直接入得，其實之前都試過佢哋屯門同沙田分店，質素唔錯，睇吓鑽石山點先。
我就點咗個
月見豬腩肉丼($82)，而同行朋友叫咗宮崎和牛丼($149)。豬腩肉上枱時好香，食落充滿油香，不過食多幾塊就有啲油膩，而和牛食落軟淋，都有少少油香味。兩個丼飯量都唔算好多，女仔食就啱啱好，男仔可能就唔夠飽。飯上面食淋咗少少燒肉汁，整體味道適中。
總結而言，味道唔算超好，但有誠意，食材唔係啲好Cheap嘅肉，而且保持到同其他分店水準相約，下次行街諗唔到食咩，見到食間餐廳絕對會再幫襯。
