Video
Read full review
2018-03-18
41 views
旺角兆萬新開左一間日式放題，朋友試過好似話唔錯，上網睇都有唔少好評於是決定一試。呢間店嘅格局同我上次食樓下嗰間格局差唔多，可以話好似，但新開人流唔多上黎見到唔使點排隊就入咗去啦，睇個點單紙發現都幾多海鮮水產類而且多咗啲特色菜，如泰式。經過上次一次過點太多一次過黎又食唔切ge經驗，今次奉行分批點慢慢食政策😂😂。唔知係咪因為新開張關係，上菜方面係比較慢嘅...先黎ge居然係炸物而不是首輪刺身拼盤。炸香芋丸同紫薯餅都好好食，但後者就炸得過左少少。刺身份量岩，新鮮，亦有友人最愛ge希靈魚，肉同籽各半分佈平均，甜蛋味道有驚喜，唔係間間甜味都剛好架，不過就乾左少少。隨後都試左各種熟食，味道不錯，可以推介大家食泰式豬頸肉、冬陰公湯、春卷，惹味還原度高👍，還有炸雞軟骨、芝麻雞翼、蕃薯同海老天婦羅，當然仲有其他不能盡錄。當然有好食亦有伏，例如送ge牛肉壽喜燒鍋，以為係一個煲自己煮，但原來係煮好嘅而且唔係好夠熱，個湯非常之甜牛肉亦都過熟，另外羊架有真怪味而且好肥。除左呢兩樣，其他都有質素架，希望佢地會改善啦。而甜品居然有迷你豆腐花，正😂！最後想講服務真係好，可能唔係話非常之忙，所以服務算周到，侍應都好細心
呢間店嘅格局同我上次食樓下嗰間格局差唔多，可以話好似，但新開人流唔多上黎見到唔使點排隊就入咗去啦，睇個點單紙發現都幾多海鮮水產類而且多咗啲特色菜，如泰式。
經過上次一次過點太多一次過黎又食唔切ge經驗，今次奉行分批點慢慢食政策😂😂。
唔知係咪因為新開張關係，上菜方面係比較慢嘅...先黎ge居然係炸物而不是首輪刺身拼盤。炸香芋丸同紫薯餅都好好食，但後者就炸得過左少少。
5 views
0 likes
0 comments
1 views
0 likes
0 comments
刺身份量岩，新鮮，亦有友人最愛ge希靈魚，肉同籽各半分佈平均，甜蛋味道有驚喜，唔係間間甜味都剛好架，不過就乾左少少。
隨後都試左各種熟食，味道不錯，可以推介大家食泰式豬頸肉、冬陰公湯、春卷，惹味還原度高👍，還有炸雞軟骨、芝麻雞翼、蕃薯同海老天婦羅，當然仲有其他不能盡錄。
泰式豬頸肉
6 views
0 likes
0 comments
7 views
0 likes
0 comments
冬陰公湯
3 views
0 likes
0 comments
當然有好食亦有伏，例如送ge牛肉壽喜燒鍋，以為係一個煲自己煮，但原來係煮好嘅而且唔係好夠熱，個湯非常之甜牛肉亦都過熟，另外羊架有真怪味而且好肥。除左呢兩樣，其他都有質素架，希望佢地會改善啦。
而甜品居然有迷你豆腐花，正😂！
2 views
0 likes
0 comments
7 views
0 likes
0 comments
最後想講服務真係好，可能唔係話非常之忙，所以服務算周到，侍應都好細心聆聽我嘅需要，例如想要唔凍嘅飲品同食物落錯枱嘅問題等，甚至紙巾係用雙手遞上😯。
Post
