Hungry Monster (富祐大廈)

見到新開張，有好多人買，所以就買來試吓啦，依家仲有社交平台俾like$-3
雖然好多人等外賣，但又唔會等好耐，店員服務態度好好。


叫咗兩個餐，D餐同G餐

跟薯條同芝士波，冬瓜茶同士多啤梨奶冰

薯條同芝士波都好香脆，芝士波入邊有軟綿綿嘅芝士

熱溶芝士熱狗好好食，一定要趁熱食
韓風狂熱熱狗都OK，泡菜唔會太辣，加埋沙律醬都唔錯，鍾意食泡菜嘅可以一試。

飲品都好飲，我會推薦士多啤梨奶冰👍🏻飲得出唔係用奶精做。

原來佢哋仲有shake shake薯條，鍾意食辣嘅我下次會試吓鬼椒味既薯條。