話說小弟咁大個仔都未落過老蘭，今日為咗食而初出茅廬。呢間餐廳位於大館隔離，坐係窗邊位可以欣賞到隔離嘅舊香港英式建築，餐廳本身的環境同設計亦很雅緻。
餐前麵包
外脆內軟，口感唔喺平時食開嘅麵包咁，似食緊外皮好脆嘅厚身薄撐，帶蒜香百里香，有特式而且好好食嘅餐前包。
水牛芝士配羅勒青醬 $158
水牛芝士柔軟得嚟濃郁，青醬亦充滿香氣，用法包將芝士、青醬同蕃茄一次放入口，即刻打開曬味蕾同嗅覺，喺個唔錯嘅前菜。
阿根廷烤肉眼扒 $398
呀根廷名菜之一就喺佢地嘅烤肉，呢度標榜用嘅係30日熟成嘅阿根廷草飼牛，雖然脂肪較少但經過熟成一個月，牛扒食落一樣充滿牛味同肉質軟嫩，另外，阿根廷烤肉另一特式喺會配醬，而呢間餐廳就有6款醬任你點。
黑松露香草薯蓉 $88
保留到主角薯仔嘅香味同甜味，唔會感覺好重牛油同忌廉，黑松露味道嘅點綴得剛剛好，唔會太搶，輕輕地增加味道嘅層次。
菠菜芝士意大利餃 $198
如果你中意白醬同芝士，呢個配搭岩曬你，味道濃郁，意餃餡皮比例不錯，份量都唔少，但食曬都唔會覺得膩。
西班牙油條配焦糖醬 $78
新鮮炸起，外皮酥脆但內裹軟糯，帶微微肉桂味，配焦糖醬都好夾，味道唔會太甜。
