🔥 魔鬼椒雞腿芝士蛋吐司
魔鬼椒辣度唔會過火，雞肉烤得外脆內嫩，芝士融化晒，配埋蛋黃醬好夾，咬落層次豐富，微辣得嚟幾過癮，呢個推介！👍🏻
🥪 芝士火腿蛋餅
火腿配上香濃芝士，好有兒時味道，蛋餅皮薄煙韌，貼合住蛋食落更滑嫩，鋪上台式嘅醬油膏，簡單組合味道傳統，熱辣辣食落更滿足。
🍜 秘製台灣紅燒牛肉麵
牛肉軟腍入味，紅燒湯底有驚喜！好過唔少台灣牛肉麵專賣店，濃郁得嚟帶甜辣，麵條Q彈吸汁，啖啖牛肉配湯飲落好暖心，係台灣經典味道😍
🍲 肉羹麵線
肉羹濃稠滑順，肉羹帶調味過嘅豬肉碎，麵線細滑易入口，湯頭充滿沙茶味道微辣，係簡單家常嘅台南味道。
🧋 芋頭椰汁三色芋圓
芋圓Q彈有三色，芋香椰汁底微甜，食落綿密，用呢個甜品解膩一流。
🍵 冬瓜茶
冬瓜清甜解渴，凍飲清涼醒神，好適合熱天解暑。
