飲茶 (Closed)

星期五晚，有朋自遠方來，當然要帶佢試試港式飲茶、點心，突然諗起呢間新興點心餐廳，於是就嚟試吓由餐具開始已經睇得出別有用心，碟上面雕咗一條金魚，好可愛唔同一般茶樓，除咗中國茶，呢度仲可以揀綠茶。我哋揀咗2個點心，一個係「睇住流奶」，同一般流沙奶皇包冇分別；一個係「鴿吞鳳梨」，可愛嘅外形配鳳梨酥嘅味道。另外仲點咗櫻花蝦炒飯、口水雞、咕嚕肉等等，味道不過不失，但外國朋友覺得點心好精緻可愛，所以一直影相。雖然點心比一般茶樓貴，但5個朋友share，埋單每人都係120左右，唔算貴，食得過