Video
Read full review
2018-02-21
64 views
呢間2DP除左有靚茶飲，仲係一間素食餐廳🍴今次試下2人餐，菜式都係廚師精選，唔洗煩惱自己揀食咩，點左湯+沙律+1主菜+甜品，價錢都係$188，其實都幾抵食!店內設計都圍繞茶主題，成個風格幾清新。等野食期間，留意到檯面仲有插頭位可以差電，趕住放工唔記得差電話都唔洗怕呀，不過約左朋友食飯輕鬆下，大家都係放低電話，慢慢品嚐下美食同埋傾下計啦~第一道菜: 鐵觀音奶油周打蔬菜湯湯中鐵觀音茶味就比較淡，唔太食得出有茶味啦，不過好中意湯內果D蔬菜粒，食落好有咬口，而且又唔會太膩感覺。第2道菜: 岩茶乳酪伴紅菜頭藜麥沙律賣相好出色，有紅有綠，睇落都完全Feel到係勁健康。紅菜頭味道好突出，配上乳酪，調和左紅菜頭當中嘅酸澀味，令沙律味道更鮮，而每樣配料份量都好恰當。第3道菜(主食): 古樹紅茶香炒京蔥素牛肉扁意粉意外地覺得素牛肉好好食，質感同賣相一點都唔差，食落有軟綿綿同埋有肉果種一絲絲嘅質感，成個味道都好香口，一點都唔覺得自己食緊素呀!而且喜歡面比較硬身，再加上多種蔬菜配料，口感好有層次，而且非常豐富。食完主食，黎返杯自泡茶，點左碳香大紅炮。大紅炮係烏龍茶之極品，岩韻鮮明，帶有淡淡花香、炭香氣。呢度除
呢間2DP除左有靚茶飲，仲係一間素食餐廳🍴
今次試下2人餐，菜式都係廚師精選，唔洗煩惱自己揀食咩，點左湯+沙律+1主菜+甜品，價錢都係$188，其實都幾抵食!
店內設計都圍繞茶主題，成個風格幾清新。
等野食期間，留意到檯面仲有插頭位可以差電，趕住放工唔記得差電話都唔洗怕呀，不過約左朋友食飯輕鬆下，大家都係放低電話，慢慢品嚐下美食同埋傾下計啦~
第一道菜: 鐵觀音奶油周打蔬菜湯
湯中鐵觀音茶味就比較淡，唔太食得出有茶味啦，不過好中意湯內果D蔬菜粒，食落好有咬口，而且又唔會太膩感覺。
第2道菜: 岩茶乳酪伴紅菜頭藜麥沙律賣相好出色，有紅有綠，睇落都完全Feel到係勁健康。紅菜頭味道好突出，配上乳酪，調和左紅菜頭當中嘅酸澀味，令沙律味道更鮮，而每樣配料份量都好恰當。
第3道菜(主食): 古樹紅茶香炒京蔥素牛肉扁意粉意外地覺得素牛肉好好食，質感同賣相一點都唔差，食落有軟綿綿同埋有肉果種一絲絲嘅質感，成個味道都好香口，一點都唔覺得自己食緊素呀!而且喜歡面比較硬身，再加上多種蔬菜配料，口感好有層次，而且非常豐富。
食完主食，黎返杯自泡茶，點左碳香大紅炮。大紅炮係烏龍茶之極品，岩韻鮮明，帶有淡淡花香、炭香氣。
呢度除左素食，仲可以自己親手泡茶，店員仲會親自講解泡茶同飲茶方式，估唔到茶都有一番學問。
大紅炮味道好清淡，飲左幾杯都冇澀味，茶味依然留香於杯中。
最後甜品: 普洱糖不甩新鮮即製，每粒都好大粒，配上芝麻花生，好有咬口，甜度恰當，食完2粒已經非常滿足。
原來素食都可以好香口好好食，向來素食比人感覺都係清清淡淡冇乜味。係我心目中都係個啲酸齋呀芋頭呀等等既野，但係呢一間素食餐廳完全改晒我嘅素食概念，呢一間新派既素食餐廳真係令我大開眼戒呀!
Post
