首先上碟嘅係日式麻醬豆腐沙律，份量足夠2-3人食，裡面有三文魚子同中華沙律，配麻醬好夾，好開胃 。
日式炸年糕即叫即炸，仲可以拉絲芝士！口感外脆內軟。
玉子燒非常香口，仲有好多蟹籽，份量足夠～
最後叫咗「火山」！壓軸登場！擺盤成個火山咁靚，店員仲會攞火槍燒一燒，真係好靚好震撼。火山係火炙芝士牛油果蟹柳卷，好啱香港人口味。沙律醬同埋嗰隻芝士夾起嚟好好味！而且打卡一流！
餐廳環境好舒適，枱同枱之間距離適中，傾偈都唔怕被隔離位聽到。
而且佢哋嘅酒吧區陳列咗好多唔同款式嘅酒，好有feel；同朋友聚餐又或者兩個人撐枱腳都好適合。
