龍井烤雞
原隻煙燻烤雞，店員可以幫手剪件。烤雞皮微焦，多餘皮下脂肪缷晒出嚟，唔會油淋淋。肉質鮮嫩多汁，一啲都唔乾鞋，有淡淡嘅煙燻茶葉香氣。
粉絲裹蝦
有專員幫手煮，蝦新鮮，肉質結實，配上香濃蒜蓉、洋蔥，粉絲入晒醬汁嘅味道，超級惹味。
三色雞絲涼麵
三種味道嘅涼麵色彩繽紛，配上口水雞絲，涼麵伴上醬汁，辣得來清爽，好啱天氣熱食。
土豆芝士塔
滿滿綿綿薯仔蓉，真材實料，配上芝士醬同埋灑上香口煙肉，幾西式嘅一個菜品。
西湖雷峰塔
呢個甜品賣相精緻，啱晒打卡，奶凍Creamy幼滑，味道淡淡，係清新嘅甜品。
