8號茶居 (宏業南街) (Closed)

差不多成年無飲茶，好掛住酒樓嘅點心們，所以特登約友人一齊飲夜茶。.🍴8號蝦餃雖然得2粒，但係好大粒，又多蝦，而且都幾彈牙，蝦餃皮都幾簿，推薦。🍴鮮蝦菜苗餃應該係同蝦餃同一舊肉，不過撈埋菜苗，又有另一種口感。🍴蟹籽燒賣皇又係無令人失望嘅蝦肉，大大粒，蟹籽量都算多，同一般酒樓嘅燒賣有少少唔同，佢外皮係白色，唔係黃色，少左啲色素，感覺健康啲。🍴茄紅素湯鮮竹卷肥A覺得都係蠔油汁鮮竹卷夾啲，茄紅素湯就好似茄汁加水，有點奇怪，但係鮮竹卷係正常嘅。🍴蟲草花燉雞腳湯呢個汽鍋燉湯感覺好健康清新，而家一啲都唔口渴，有住家feel🍴溫室青瓜叉燒腸叉燒腸有青瓜係一個新鮮嘅組合，叉燒量一啲都唔吝嗇，青瓜都好爽脆，但略嫌腸粉皮有啲厚。總括食物質素不錯，家庭式嘅經營，感覺窩心，而且地方闊落，三五知己飲個菜食下點心都不錯。