Green Common (屯門鄉事會路) (Closed)

假日午餐，兩點幾去食唔使排隊，餐廳唔大，得好少枱，都唔算坐得迫，一邊是餐廳，另一邊有很多款素食品賣，我見都有好多人入內買嘢，即場還可以申請會員儲分。叫了一款二人午餐，有好香口的樂樂雞四件，其實都好似肯德基嗰啲，配上的芥末蜜糖醬很美味，有菇湯或凱撒沙律揀，我揀咗配沙律，份量不少，之後又有一個熱的泰式炒雜菜，雖然感覺唔到泰式，不過都好味，再嚟一個非常多紫菜的中型薄韓風新豬肉Pizza，呢個我覺得一般，還有一個芝脆焗素豬扒飯，好多芝士，呢個真係好味，好濃郁的蕃茄醬，配上紫米好有誠意，素扒像肉度高，賣相又似，飲品我們揀了凍植物奶咖啡，呢個就好淡，另外一杯叫了熱養生桂圓紅棗茶，好飲，二人去食竟然食唔哂，要打包。餐廳用上都係環保外賣紙盒，質素唔錯。不過員工服務就一般了，一點也不殷勤。