超羣麵包西餅 (Closed)

因為肚餓，所以行左去愛民商場搵野食，行左幾間賣小食既都太多人，所以冇坐低食。行經超羣見到有粽賣，就唸住試下。本身我鍾意食芝士，所以我就揀左隻四重芝士豚肉粽。買左先知唔係好大隻。買到反落去原來要煲30分鐘。。。。。。30分鐘後終於有得食。Wow~好香!!橙色會唔會係蛋黃呢!?原來唔係。。佢只係有4種芝士(日本拉絲芝士，車打芝士，瑞士及美國芝士)既其中一種，仲要係比另外濃味個隻。講真，d豚肉得好少，分佈唔太平均。除芝士味外，其他都食唔到。。比想像差少少。。米粒方面，混了些紅米和綠豆，口感都煙煙韌韌，味道都ok。