上湖 (Closed)

同學們及老師共十人聚舊，尖沙咀寶勒行呢間舖頭剛開張，咁就試吓。 地點方便，裝修簡潔無花巧，起碼坐得舒服。呢度主打食海鮮同小菜，即管試下招牌菜避風塘炒蟹（可㨂辣同唔辣），我吔食炒辣蟹，蟹肉新鮮，無俾辣味遮咗，果然招牌菜，值得推介。原來果皮蒸泥猛呢度都有，細細個局企食就係家常便飯，依家買少見少，貨源問題連街市都未必有，呢度入貨唔多，好快賣哂。條泥猛蒸完出嚟超香陳年果皮味，加上豉油啖啖泥猛肉，一碟真係唔夠分。燒鴨件湯河，湯夠濃，鴨肉新鮮，想添食多碗添。椒鹽瀬尿蝦，廚師夠細心斬件上，啖啖蝦肉。白灼花螺，清湯底味道剛好，不會過濃或過淡。最驚喜莫過於煎肉餅，唔好以為一般蒸或煎肉餅咁簡單；手工多，細細件肉餅爽口，好好味。最後加個蟹油炒麵，辣辣地，麵爽口兼炒得乾爽不會成口油。吖！至於服務，仕應態度好，有問必答。始終新舖海鮮小菜要靠佢吔介紹，佢吔推介又真係幾好。下次？一定再幫襯。有d餸想食多次同試其他海鮮及小菜。