小茶堂 (Closed)

而家間間台飲店都要加個黑糖珍珠撞奶，就知黑糖有幾受歡迎。昨日飲完唔夠喉，今日又去挑戰。呢間都係新開，有人排隊但都唔算等太耐，由買到拎到大約5-10分鐘到。揀咗半糖，黑糖味都仲好濃。店員教落飲前反轉？！我照住做，但黑糖味好快就散哂，所以我覺得唔搖會更好。珍珠有彈性好好咬，奶味係有嘅但感覺唔係好配合個黑糖？似奶還奶，黑糖珍珠還黑糖珍珠嘅感覺。其實唔差嘅，人在旺角突然想飲珍奶都可以幫襯，只係未好飲到特登去飲咁解。