依然人頭湧湧，大家記得book 位！ 因為無book位 要等一個鐘先有 🥹🥹
生啤就必叫啦，買一送一喎！食串一定飲架
今次有試到新野，推介下比大家
雞皮墨魚滑
外面嘅雞皮好脆身，而且一啲油膩感都冇，入邊嘅墨魚滑好彈牙，有啲外脆內軟嘅感覺！😍😍有驚喜
燒芝士年糕
啲芝士係一個碗裝住咗，俾你自由點，咁樣唔怕個年糕會林
而年糕煙煙韌韌，點落個芝士醬真係超級邪惡 😈😈點會唔好食
另外海鮮係依然必叫嘅！
欖角蒜蓉燒蟶子
真係大大隻蟶子！好好肉！幾乎每次都叫嘅 👍🏻👍🏻
紅蔥油蒜蓉粉絲元貝
平時蒸元貝蒸得多啦，呢個燒既，有種焦香，而仲好juicy 🤤🤤
蒜蓉燒日本廣島蠔
又係我嘅必要之一！廣島蠔燒完仍然大大隻！真係滿口嘅幸福啊🤩
可能有啲人話返大陸食平好多，但係我覺得係香港呢個價錢，絕對唔算貴，重點係品質又保證 👍🏻👍🏻
5
