龍騰茶餐廳

首先想講o既係,呢間舖前身係<永佳茶餐廳>

據舊員工透露,係因要cut人,所以改埋名~

講返正題,我住呢度附近,所以成日黎~

但因cut人改名後~樣樣都變哂啦!!

以前~~

服務:以前d員工好好架~好風趣,會同我地講下笑架~

食物&價錢:雖然係茶餐廳,但d食物都ok的~

間隔:間舖唔會坐得好唔舒服,都闊<落>的
~~~~~~~~~~~~~~~~~~~~~~~~~~~~~~~~~~~~~~~~~~~~~~
而家~~

服務:差到不得了,嗌極都唔理人,掛住睇電視,咁都不特止,個肥肥(洗碗阿姐)成日無啦啦坐我地張檯(卡位)睇電視+同店員吹水,好熟咩~坐埋黎~我介意呀!!

仲有,日間個金毛後生仔d頭髮好長,嬲嬲休休~唔多衛生,同埋,人地食緊野o既時候,佢地就用d好刺鼻的消毒水拖地~好臭!!

食物&價錢:細碗左好多好多,而又貴左~好唔抵食

間隔:細左好多好多,好迫呀~><

其實都係同一個老闆,不過換人+改名,差好鬼多~
我以前至少一日兩餐都o係度食架~而家??唔會啦!!