Ann Mamma Thai kitchen by 張秀玲

Open Now

Now Closed

荃灣香車街街市附近開左間裝修好文青feel嘅泰國餐廳，見佢裝修咁靚梗係要試下啦，而家新開張，午餐減8蚊，由68至78蚊，有多款選擇。我同朋友都不約而同揀左雞扒木瓜沙律配白飯，送28蚊冷熱飲品，佢揀左西柚泰國紅茶，而我揀左青檸泰國紅茶。大大杯紅茶味濃，同香港飲開紅茶比較深色及濃味，配合鮮青檸及西柚感覺清新，悶熱全消。雞扒鮮嫰美味，肉質嫰滑，配上甜酸醬美味可口，配埋大份量嘅青木瓜沙律，非常清新又唔澀口，為炎炎夏日帶來開胃午餐，所以眼見枱枱都叫左呢個餐。跟餐加25蚊有芒果糯米飯，芒果大嚿又清甜，糯米飯混合了椰汁綠色的，又軟又暖好好味。新開張已經爆滿要等位，證明好食兼會回頭吃。