Boholic

Open Now

Now Closed

有個好姊妹帶我嚟長沙灣見識一間文青風格嘅餐廳，哈！哈！真係好文青喎，佢係以波希米亞風格嘅設計，以米白色為主，配搭環境很美，真係打卡嘅好地方。蜜桃、巴馬火腿、水牛芝士沙律伴白桃油醋汁， 蜜桃好甜， 巴馬火腿好大塊，水牛芝士好有芝士味，沙律菜好新鮮，加埋少少白桃油醋汁一齊食，真係幾好食，配搭唔錯。手拆蟹肉蟹膏糍粑， 糍粑好煙韌，蟹肉蟹膏好新鮮，好好食。今日嘅餐湯係芹菜湯，好香甜、好滑。 法式紅酒燴紐西蘭羊膝，羊膝炆得好淋，紅酒把羊嘅鮮味帶出來，食起嚟好滿足， 味道很配合。鹽燒琵琶蝦辣蕃茄全蛋闊麵，琵琶蝦好大隻、好爽口，燒得好香、好甜。辣蕃茄味道濃沃，將蝦嘅鮮味帶出嚟，配闊麵，真係令人回味無窮，闊麵軟硬度適中 ，真係好食。