和平的火雞便當（配赤味噌湯及是日漬物）
成個飯嘅外表好精緻
除左有杏鮑菇當做火雞絲😜 仲加左炸左嘅金菇放上去做點綴
而且仲要係珍珠米
值得加分
估唔到食餐飯都可以咁賞心悅目
赤味噌湯：有數粒豆腐同海帶 味道都唔錯 幾好飲😋
是日漬物：涼拌蓮藕，涼拌雲耳
怕醜蕃茄遇上善良牛牛麵（配煎餃兩隻）
素牛肉片嘅口感同真正嘅牛肉係完全一樣😨
真心驚訝
平時我都好抗拒食素肉 總係心理作用覺得好難食
但依款真係完全做到同真正嘅牛肉相同口感 大大推介👍🏽👍🏽👍🏽
蕃茄赤味噌湯底配麵 湯底好濃郁 好足料
煎餃：Impossible pork加韮菜，好香 好好食
煎餃下的沙律菜：好清新 而且加左柚子醋 好開胃👍🏽
小朋友食完煎餃係咁話想再食，所以再加多碟煎餃🤣🤣🤣
煎餃材料足👍🏽 值得encore😌
Green tea latte 抹茶鮮奶
Hojicha Latte 焙茶鮮奶
（*係用意大利燕麥奶去整，但如果想轉番用牛奶都可以同職員講番）
兩款latte嘅茶味帶微甘 茶味香濃
配埋意大利燕麥奶味好濃滑又香甜
甘與甜掌握得宜，飲得出真材實料！
（仲要有靚靚文青拉花 岩哂打卡）🤩
