入到去，裝修設計都幾時尚，有啲似喜茶，亦都幾多人幫襯，尤其情侶同成家人
我就點咗呢間既招牌排骨飯套餐，外加肉燥，而飲熱嘅南投小農紅茶
排骨唔油膩，亦都大大份，啖啖肉
配菜有花生、青瓜同埋菜，個人覺得青瓜最好食，夠哂清甜爽口
而杯紅茶既杯logo幾靚，飲落就甜甜地！
原本望到飯上面無淋上肉燥，仲以為落錯咗去我朋友個份度，點知個肉燥係另上，可以兩個一齊share，幾抵食！
朋友就點咗香酥雞排飯套餐，同埋一杯熱嘅彰化茉莉綠茶
雞排就炸得香脆同埋幾嫩滑
最後加多份草莓黑糖麻糬鬆餅，上面有勁多草莓同埋抹茶
原本仲擔心草莓會唔會酸，但食落發現都幾甜，仲要鬆餅內面加咗黑糖麻糬，煙煙韌韌，好好食！
