大瀛喜日本料理 (Closed)

整體服務質素，食物質素都唔係幾好，環境有情調，衛生情況都可以接受，但坐位好窄，如果多人最好提早訂（要求佢比房），眼見好似得2間。可能撞正父親節人多，間中會甩單同上菜的野多數都唔齊，同埋會冇人理。一早訂左位，我地多人都係叫我地坐出面，坐坐下先同我地講叫我地轉入房。食物種類正常，飲品同雪糕種類偏小，如想飲清酒需加錢。#刺身方面，上得好慢，三文魚唔係好新鮮，但其他刺身都幾好。#星級海鮮方面，推介蒲燒海鰻，芝士蒜香焗扇貝有d伏#壽司種類唔多，分左卷物，手卷同火炙壽司，值得一讚既係佢唔會比一大舊飯但真係好求其，火炙壽司令人好失望，完全冇誠意#炸物方面，個人認為係最好食，炸豪都豪幾大舊，唔會成舊都係粉，榴槤炸彈好香，但芝士波就太膩#燒物方面，羊架都尚算唔錯，肉質幾林，牛舌好香#甜品方面，貓山王糯米糍真係好食其他甜品都好差唔好食個的甜品會上到足比你，你想食個的佢只上一次。