位置開陽，對住個海，舖頭唔算好大，不過裏面間隔座位都幾闊落嘅，光猛乾淨，仲有outdoor座位提供，好chill下，唔錯！
我哋一行6人，由於天氣太熱，我哋都決定唔揀outdoor luuuuu🥵
自助落單比$，食物方面試咗雙拼三文治，明太子天使麵同埋雞肉意粉；三文治唔錯，鍾意！天使麵原來係凍食㗎，有少少似冷盤嘢，味道好清新嘅，得意！最估唔到係個雞肉意粉，以為係普通嘢，點知出奇地又好好味喎，推介！
飲品方面試咗幾款咖啡；分別有冷熱黑啡、抹茶、焙茶，仲有一款店主推介嘅椰子latte，全部都唔錯！再試埋佢哋嘅手工啤酒，有2款，揀咗jasmine嚟試，特別👍🏻
本身有用餐時間限制，不過可能係平日嘅關係，所以唔太多人，過晒用餐時間都冇比人趕走嘅😆
總括而言，可以返兜
