Daimanki Japanese Restaurant

繼續試放題。今次呢間係旺角同油麻地地鐵站中間，行去大約五分鐘左右，唔算遠。裏面裝飾企理，坐位尚算寬敞。有自助bar, 值得一讚係啲炸多春魚，夠熱，大條，少粉，真係多春，有唔同醬汁任君選擇，忍唔住食多咗幾條。飲品方面選擇足夠，也有自製北海道牛乳布丁。魚生剌身選擇方面俾上一間多，有大大條赤海蝦，鮮甜厚切劍魚腩。羊架也比一般放題店燒得好。酥炸榴槤球更加係榴槤發燒友嘅至愛。而且上菜速度好快，唔會dum你波鐘。價錢合理。