因為之前兩日訂左枱，所以唔使等位就已安排入座。
紙仔方面: 刺身、壽司、炸物、串燒、小食..............基本上係超多選擇(參考返餐牌相嘅A-J)。
有下次係因為幾樣嘢--
1) 刺身: 三文魚好厚切，就算唔點豉油食都好鮮甜，完全冇雪藏味; 珍寶帶子、珍寶赤蝦好肥美，食唔停; 赤貝、八爪魚好爽口;
2) 火灸壽司: 份量夠「的骰」，好幼身，唔會好似出面個D壽司外帶咁大件，咁就可以試多幾款但唔會好飽肚，大愛火灸三文魚壽司;
3) 服務: 上菜超快，收碟亦超快; 上菜係按你寫嘅份量上，小妹大愛八爪魚，叫左三四轉都係10片，每次都係送上同樣嘅份量，冇自行減少; 有2-3次寫好嘅紙仔放係枱面未舉手，侍應都會好主動咁收紙仔兼話幫你落單; 食足120分鐘，去到尾聲侍應都好客氣咁話差唔多，問佢拎埋杯熱茶飲埋先再走都冇吹我地第二次走了。
是晚係星期五 6:30PM入座，$198+$10+10%，每人$218。
雖然日式放題間間環境都會迫，但呢間如果可以坐卡位應該會好D同安全D，坐路旁位就要自己小心侍應們嘅托盤了！
總括黎講，的確唔錯！！！
1
