Manya Japanese Restaurant (Closed)

今日同朋友嚟到銅鑼灣滿屋食放題，一嚟到當然先喺睇個飲品櫃啤酒、果汁、汽水、茶類，就連清酒都有，算係幾齊全。

自助區有冷盤海鮮、沙律、炸物、甜品等等，最欣賞嘅係有即製爆谷，小朋友最愛。

每次食放題第一盤送上嘅必定係滿滿嘅刺身，今次當然亦唔例外，其中我最鐘意赤蝦肉質夠豐厚，赤貝爽口彈牙。壽司當中，最推介係鹽燒左口魚邊壽司，火灼後魚油溶入飯糰，入口脂香滿溢，食完馬上encore。

熟食方面牛舌、羊架好入味，燒得乾爽惹味，天婦羅炸到金黃色，香脆無比，色香味俱全。最後仲有大量甜品同每人一杯雪糕。我同朋友都食到攬住個肚。