富城火鍋海鮮酒家 (Closed)

五一假期前一晚去左太子富城火鍋宵夜已經係第三次幫襯 一來地區方便容易約 二來食材真係新鮮份量足好過好多二三百蚊得細細碟真係食得唔過癮今次試左兩個湯底醉雞同埋麻辣醉雞湯底成枱人都好滿意 雞份量出奇地多 酒香岩岩好 愈煮愈濃味真係好正麻辣湯底就不過不失啦餐前小食叫左魚皮,椒鹽豆腐同埋爽脆蘿蔔, 魚皮夠香咸蛋黃味 不過可惜唔夠脆 有少少扣左分而椒鹽豆腐同蘿蔔都好好食 好開胃火鍋料最值得一讚既係鮮鵝腸 我地係食完一碟再encore而全晚仲驚喜既一定係酥炸腩骨 熱辣辣上菜食落真係做到酥脆但完全唔油膩非常推薦一試