Read full review
2018-08-02
858 views
去攞回鄉證預約左都勁多人,於是去左隔離扒王之王食午餐。環境懷舊,老待應表現專業。全部食物包括湯、飯、餐包、飲品,極速喺落單後8分鐘內到齊。👍🏼我叫左午餐B蜜糖雞扒飯、忌廉湯、奶茶。原本無諗住寫呢篇食評,所以無影雞扒飯嘅相,但因為食物質素太差,所以不得不寫......雞扒一般茶餐廳質素無特別,但配菜煮到淋晒無味,飯多啱男人食,但得一塊扒,相對少餸。忌廉湯「杰」到好似糊仔。😖奶茶係我飲過咁多不同鋪頭最差嘅頭三位之一。總括來講,我不會再去,也不會推介,如果唔係等辦證,一定唔會去。如果你睇到呢篇文,而你嘅籌號仲有70個先到你,你絕對有足夠時間去附近其他餐廳食飯!50蚊仲要加一,即係55蚊,咁嘅質素......P.S. 時間參考:我等70個號碼等左一個幾鐘,食完午餐都仲等左over 半小時,夠你去影埋即影即有相。另外,即影即有有得影印埋身分證,回鄉證,共4元,平過喺櫃枱影(2蚊張)
我叫左午餐B蜜糖雞扒飯、忌廉湯、奶茶。
原本無諗住寫呢篇食評,所以無影雞扒飯嘅相,但因為食物質素太差,所以不得不寫......
雞扒一般茶餐廳質素無特別,但配菜煮到淋晒無味,飯多啱男人食,但得一塊扒,相對少餸。
忌廉湯「杰」到好似糊仔。😖
奶茶係我飲過咁多不同鋪頭最差嘅頭三位之一。
總括來講,我不會再去,也不會推介,如果唔係等辦證,一定唔會去。如果你睇到呢篇文,而你嘅籌號仲有70個先到你,你絕對有足夠時間去附近其他餐廳食飯!
50蚊仲要加一,即係55蚊,咁嘅質素......
P.S. 時間參考:我等70個號碼等左一個幾鐘,食完午餐都仲等左over 半小時,夠你去影埋即影即有相。
另外,即影即有有得影印埋身分證,回鄉證,共4元,平過喺櫃枱影(2蚊張)
24 views
0 likes
0 comments
Post