Read full review
2018-10-19
2445 views
上環嘅L Place 全座都係餐廳，喺中環過去算係walking distance，方便約朋友食飯。今日能得舊同事得閒，一齊上嚟試下呢間熱門名店。店面嘅裝修係新派偏西式的，燈光充足，以長方枱取代圓枱。點心比起一般酒樓貴20%~30%左右，主要係食精緻嘅賣相。『蘑菇包』係招牌菜。自從唐宮小聚推出後，好多酒樓都有樣學樣。第一次食，覺得個包真係做到惟妙惟肖，尤其係嗰條菇莖真係神來之筆。內餡係菇同豬肉嘅組合，落咗少少黑松露醬，所以食落好香口。『溏心皮蛋』砌成兩條金魚形狀，係視覺享受。入口係正常味道，加上少許辣油更正。『金沙四季豆』用鹹蛋黃包裹四季豆再炸，香口惹味。比起傳統做法更易入口。我哋仲嗌咗另外幾個點心，埋單$300一位，當體驗一次咁囉。
『蘑菇包』係招牌菜。自從唐宮小聚推出後，好多酒樓都有樣學樣。第一次食，覺得個包真係做到惟妙惟肖，尤其係嗰條菇莖真係神來之筆。內餡係菇同豬肉嘅組合，落咗少少黑松露醬，所以食落好香口。
『溏心皮蛋』砌成兩條金魚形狀，係視覺享受。入口係正常味道，加上少許辣油更正。
『金沙四季豆』用鹹蛋黃包裹四季豆再炸，香口惹味。比起傳統做法更易入口。我哋仲嗌咗另外幾個點心，埋單$300一位，當體驗一次咁囉。
Post
