新仙清湯腩咖哩專門店 (Closed)

琴日情人節晚上黎食，間舖好少客人（心諗會唔會中伏，但可能係情人節所以少啲人掛）兩個人叫咗坑腩河、咖哩三寶飯（有牛腩(?)、牛肚、牛脷）、麻辣手撕雞同埋腩汁蘿蔔。先講最好食既就係蘿蔔，淋甜好多汁👍🏼其他果幾樣就................坑腩河：超多肥膏，得果少少肉，成碗野得果幾舊仔...呢間店聲稱啲牛係日日新鮮供應，但我就食唔到同其他店有咩分別，好普通。👎🏼咖哩三寶飯：個巴基斯坦咖哩汁係唔錯，有啲洋蔥係入面幾有咬口...之但係....有牛肚有牛脷，就係搵黎搵去都冇牛腩嘅？！😵努力地搵終於搵到一條仔大約有手指尾長度既牛腩邊😅呢間店賣招牌牛腩，但就係叫嘅野入面得果少少，係唔係矜貴到咁呀？！👎🏼👎🏼麻辣手撕雞：一細碟都六十幾蚊，以為會好好食，點知得個辣字，完全冇麻嘅味道...除此之外都諗唔到仲有咩好形容呢碟野👎🏼總結：不能盡信米豬蓮推介嘅食店，除咗會貴啲之外，仲有可能俾人搵笨。