Read full review
2020-06-03
672 views
今日同男朋友放工諗住去諾士佛台搵間酒吧放鬆，見到評論呢間好似不錯就入咗去。因為九點前有happy hour，我嗌左杯ping pong，個樣好靚好啱打卡，飲落甜甜地，男朋友就嗌左杯mai tai, 都不錯。我哋嗌左一個波士頓龍蝦配龍蝦汁意粉，隻龍蝦幾大隻，問侍應生拎咗個鉗鉗開，好多肉食，都有蝦膏。 另外我哋仲嗌咗燒春雞，好大隻，皮幾脆啲肉都好嫩，不過味道有少少淡。途中我哋出咗去玩飛鏢，問咗老闆桌球都係可以免費玩，不過要同餐廳講聲幫我地排隊。我哋玩完飛鏢之後發現啲食物同埋酒俾侍應收咗，但其實我哋只係食咗一半，同老闆反映左之後佢幫我哋處理得好好，補返俾我地，好人到我有啲唔好意思。😭之後餐廳倒咗幾shot showtime俾每台客人試飲，係荔枝味好好飲，最後老闆仲請我地飲多咗幾shot，太好人了，下次一定帶埋朋友嚟再試！
因為九點前有happy hour，我嗌左杯ping pong，個樣好靚好啱打卡，飲落甜甜地，男朋友就嗌左杯mai tai, 都不錯。
我哋嗌左一個波士頓龍蝦配龍蝦汁意粉，隻龍蝦幾大隻，問侍應生拎咗個鉗鉗開，好多肉食，都有蝦膏。 另外我哋仲嗌咗燒春雞，好大隻，皮幾脆啲肉都好嫩，不過味道有少少淡。
途中我哋出咗去玩飛鏢，問咗老闆桌球都係可以免費玩，不過要同餐廳講聲幫我地排隊。我哋玩完飛鏢之後發現啲食物同埋酒俾侍應收咗，但其實我哋只係食咗一半，同老闆反映左之後佢幫我哋處理得好好，補返俾我地，好人到我有啲唔好意思。😭
之後餐廳倒咗幾shot showtime俾每台客人試飲，係荔枝味好好飲，最後老闆仲請我地飲多咗幾shot，太好人了，下次一定帶埋朋友嚟再試！
Post
