由於本人係麵包愛好者，所以叫左一份鮮油腿菠蘿包再加一份鮮油奶多，而友人亦都叫左一份煎豬扒雙腸加雞翼飯，嘢飲方面就叫左一杯椰汁紅豆冰同檸檬益力多。
先講鮮油腿菠蘿包，加左火腿嘅菠蘿油感覺上分薄左牛油嘅口感，另外鮮油奶多，叫左膿底多奶啲，感覺更加脆身，口感一流牛油入口即溶，如果兩者之間揀1個，我會極力推薦鮮油奶多。
2
另外煎豬扒拼雙腸加雞翼飯，飯量十足，不過個人覺得雞翼偏咸。
1
飲品推介，檸檬益力多，初時以為味道會好酸，但冇諗過檸檬嘅酸味係中和左益力多嘅甜味，感覺好岩炎炎嘅夏日，所以紅豆冰相對失色左少少。
另外，嚟之前見好多食評都話侍應態度好差，但當晚整體感覺都幾有禮貌，冇食評中講到咁差
