店舖位置都好容易搵，我由元州商場沿住長發街一直行，大約3幾分鐘就到，但一去到就發現好多人喺度排隊
店名叫得做「老師」（諧音），相信對出品都有相當自信，果然店主大有來頭，曾代表酒店參加世界賽贏得至尊金獎
店舖門面光鮮，店內亦整齊清潔，俾人放心嘅感覺。
我一口氣買咗4款燒味，雞鴨鵝加燒骨都只係$254，價錢認真相宜
不過講到尾，最緊都係食物質素。其實我買完搭車期已經聞到陣陣香味，返到去打開d香味直頭撲埋嚟！仲而且款款都份量十足！
影完相，我每款都偷食咗一件，雖然外賣返到去只係暖暖地，但依然美味！最喜出望外嘅係各款食物都唔算咸，可以食出各種食材嘅味道，食店亦提供咗甜酸醬、魚露同蔥油等調味，可以按各自喜好點配，當晚大家都食得好高興
