Owl's Choux

Open Now

Now Closed

事緣經過哩間米芝蓮街頭小食嘅時候，見到人龍唔算長，又記起好似有間俾人狂推嘅超好食泡芙，於是就做咗傻事排埋一份🥹。後期先發現所有泡芙都係即叫即整，所以每一份都起碼等10分鐘，好欣賞店長好有禮貌耐性咁同每一個等待嘅客人介紹返每款味道，仲提我下次唔好揀放工時間排，因為真係會等好耐佢自己都好抱歉🥹，先唔講味道，哩個服務態度真係同某啲唔休做嘅店拉開咗十萬八千條街呀！🫡✏️焦糖燉蛋泡芙 $40 🍎8/10雖然冇趁熱食，但外層嘅焦糖依然好香脆，會食到少少蔗糖嘅顆粒感，泡芙外皮酥脆薄身，以為個餡會係有咬口嘅燉蛋或者布甸，點知原來係焦糖燉蛋味嘅忌廉同吉士，雖然都叫企身，但同自己嘅想像都係有啲出入😂，味道係幾香濃，但坦白講就未有驚為天人嘅感覺啦。✏️焙茶泡芙 $42 🍎8.5/10作為一個焙茶控，個人更加鍾意哩一款😍，topping嘅焙茶醬好濃郁，內餡係滿滿嘅焙茶忌廉，好重奶香味，但又唔會過甜😋。始終係要排隊一個鐘嘅人氣泡芙，真係會有比較高嘅期望，味道嚟講係幾唔錯，但確實冇一種好突出嘅感覺，可以回頭，但就唔會再排咁耐隊啦🤫。