我一黎就叫左杯冰菠蘿燒酌 ($68)
佢真係插左一枝冰菠蘿落去😂，打卡一流！
跟着我地就叫左呢個三文魚牛油果油酢漬 ($80)
切左粒既三文魚同牛油果再加啲淋左日式醋既蕃茄、昆布、沙律菜，做前菜一流，好開胃。
岩手縣生蠔($136)
第一次試日式既食法，用蔥同埋淡醬油，原來都可以同生蠔好夾，仲要2隻都好肥美！
松葉蟹膏帆立殼燒 ($80)
帆立貝入面有啲菇同椒做配菜，濃味之餘又冇搶到海鮮本身個鮮味
蟹味噌甲羅燒 （$68）
呢個冇可能5叫吧😂入面有蟹膏、鵪鶉蛋、蟹籽、蔥，一燒已經聞到好香！絕對係成餐飯既highlight
值得一讚既係呢到所有燒物都會有職員過黎幫手，完全避免自己整落手煮過龍/生得濟😂
