Read full review
2021-01-24
1466 views
食完拉麵仍有點意猶未盡，很想吃些甜品滿足一下甜胃。記得利東街地庫 1 樓有間專賣蘋果批同芝士蛋糕嘅店舖，提議過去買些甜點回家做下午茶。據知品牌來自日本，有超過三十年歷史，店內所有蛋糕和蘋果批都是日本製作，再空運到港，加上用料講究，所有食材都百分百用日本本地貨，令人食得放心。店舖地方不大，以外賣為主，不過店內亦設有兩張高腳檯櫈，反正有位坐，一於轉軚改堂食。蛋糕櫃入面放咗好多精美嘅蛋糕，剩係賣相都夠晒呃 Like，另外批類嘅款式亦唔少，除了咗主打嘅青森蘋果批之外，還有新推出的朱古力批、栗蓉批和甜薯批。選購咗青森蘋果批 Apple Pie 同 榛子摩卡蛋糕 Hazelnuts & Mocha Cake 各一件。個蘋果批 Apple Pie ($33) 果然非常美味，外層的批皮夠晒香口鬆化，酥脆得嚟又唔散，咬下有牛油感，但入口又不會油淋淋。內餡有青森蘋果方粒和吉士醬，餡料滿溢。蘋果粒不會太酸，亦不會過甜；吉士順滑不黏稠，吃完也不怕膩。另外件榛子摩卡蛋糕 Hazelnuts & Mocha Cake ($25) 亦好有驚喜，蛋糕香甜迷人，質感好似海綿咁鬆軟，口感輕盈。榛子奶油的香氣與可口的摩
食完拉麵仍有點意猶未盡，很想吃些甜品滿足一下甜胃。記得利東街地庫 1 樓有間專賣蘋果批同芝士蛋糕嘅店舖，提議過去買些甜點回家做下午茶。
據知品牌來自日本，有超過三十年歷史，店內所有蛋糕和蘋果批都是日本製作，再空運到港，加上用料講究，所有食材都百分百用日本本地貨，令人食得放心。
店舖地方不大，以外賣為主，不過店內亦設有兩張高腳檯櫈，反正有位坐，一於轉軚改堂食。
蛋糕櫃入面放咗好多精美嘅蛋糕，剩係賣相都夠晒呃 Like，另外批類嘅款式亦唔少，除了咗主打嘅青森蘋果批之外，還有新推出的朱古力批、栗蓉批和甜薯批。
選購咗青森蘋果批 Apple Pie 同 榛子摩卡蛋糕 Hazelnuts & Mocha Cake 各一件。
個蘋果批 Apple Pie ($33) 果然非常美味，外層的批皮夠晒香口鬆化，酥脆得嚟又唔散，咬下有牛油感，但入口又不會油淋淋。內餡有青森蘋果方粒和吉士醬，餡料滿溢。蘋果粒不會太酸，亦不會過甜；吉士順滑不黏稠，吃完也不怕膩。
另外件榛子摩卡蛋糕 Hazelnuts & Mocha Cake ($25) 亦好有驚喜，蛋糕香甜迷人，質感好似海綿咁鬆軟，口感輕盈。榛子奶油的香氣與可口的摩卡咖啡非常吻合，入口甜而不膩。下次再嚟要試下其他批款。
Post
