太極手撕雞

Open Now

Now Closed

上朋友屋企食飯，點可以兩手空空？無意中經過呢間太極手撕雞，見到好多人排隊，就買咗d餸上去加料。每樣食物都係店員即席製作。例如手撕雞，店員會將手撕雞、醬汁、芫荽、洋蔥絲、青瓜絲撈匀，最後撒上大量香噴噴嘅芝麻。手撕雞用上清遠走地雞，雞味突出，肉質嫩滑。泰式辣汁辣度適中，唔會太辣，但好惹味！由於有朋友唔食辣，我仲買咗蔥油手撕雞，蔥油嘅蔥味好香！連配料嘅洋蔥都吸收埋蔥油嘅香，好好食！麻辣牛𦟌份量慷慨，麻辣夠麻夠辣，牛𦟌好腍！麻辣鵝腸份量都係好多，仲有花生、青瓜絲、芫荽等等配料，麻辣汁調味好好！