Mom's Dry Noodles (Tsuen Wan Plaza)

每個人屋企一定有即食麵，而我屋企最多嘅即食麵就係老媽拌麵，可見我係鐵粉。近日得知老媽拌麵有實體店，當然要試試。

餐廳環境寬闊，全木系既裝潢令人我頓時感覺自己文青左。

和牛炸醬拌麵聽落非常架勢，麵條揀咗刀削麵，比較薄身，所以口感更順滑爽口，和牛肉醬亦好香濃，所有食材撈勻就係爽。

和牛炸醬拌麵

$78

私房花雕雞拌麵賣相麻麻，不過醬汁幾特別。花雕雞肉相當入味。

私房花雕雞拌麵

$78

高麗菜豬肉水餃肉汁豐盛，餡料十足。

高麗菜豬肉水餃

$42

香煎蔥抓餅簡簡單單，完全唔覺油膩，感覺健康，不過味道比較單調，只係加左蔥花，如果有埋九層塔就更好。

香煎蔥抓餅

$30

除咗食物，飲品一啲都唔失禮。冬瓜檸檬甜度啱啱好，解渴一流。

冬瓜檸檬

$24

黑糖珍珠鮮奶焦香味特別重，鮮奶令整體甜度平衡，同時口感醇厚。每一粒珍珠都好彈牙。

黑糖珍珠鮮奶

$33

我依依不捨地離開餐廳，因為我已經愛上左老媽拌麵既冬瓜檸檬。