🍜 元貝鮮魚卵雞白拉麵
湯底係奶白色，飲落去超creamy！最正係大大隻嘅元貝，煎到啱啱好，仲好鮮甜。仲有啲鮮魚卵，撈落湯度食，啲魚卵係口裡面爆開，卜卜聲咁，好過癮！仲有酥脆的牛蒡幹、溫泉蛋和紫菜，成個配搭又鮮又濃，正！
🍜 黑蒜濃厚山藥豚骨拉麵
超濃郁豚骨湯底，加埋黑蒜油，香到不得了。兩大塊巴掌大的豚肉好美味！最特別係加咗山藥落去，飲完成個口都係果種綿滑嘅感覺，成個人都暖笠笠，好補咁！
🥟 和風餃子
全部餃子上邊鋪了一層酥蓋，好特別又好味！個底煎到金黃色，脆卜卜，咬落去仲有肉汁爆出嚟，加了獨特的醬真是一流！
🍢 關東煮
湯底都好清甜，蘿蔔煮到好淋，仲有好多福袋同魚片！
