團日式拉麵 (Closed)

係日本，好多拉麵店都用拉麵售賣機，喺荃灣Citywalk附近，就有間可以玩售賣機嘅拉麵店。售賣機簡單易用，睇吓有咩好食先，門口見到今期推介係松葉蟹味噌拉麵。成功買咗飛啦，入去坐喺度等食先。呢度有我最愛嘅果汁味梳打汽水，靜岡抹茶可樂和信州蘋果梳打。松葉蟹味噌拉麵，蟹殼上面放咗蟹膏，濃郁嘅湯底配埋鮮甜嘅蟹肉，仲有大大塊豚肉叉燒，溏心有一隻，好流心架，價錢公道又好食。激辛味噌拉麵，湯底濃郁，辣度足夠，算得上係激辛，但又適合香港人口味，因為糖心蛋太好食，所以追加多一隻，又有大大塊豚肉叉燒，拉麵食落爽口彈牙，唔錯唔錯！總括呢度係又好玩又好食！