Read full review
2020-11-30
4006 views
今日去咗銅鑼灣Dodam食韓國嘢。我哋發現呢度午市套餐超級抵食，我哋又有好多嘢想食，所以又忍唔住兩個人叫咗四個餐啦！ 薄餅 Dodam Pizza ($65)午市都有幾種薄餅揀，我地當然叫佢地個招牌薄餅嚟試下！嘩，個薄餅好大份好靚呀！估唔到六十五蚊都咁足料，足足有八大件！有啲沙律係個薄餅上面，食落會冇咁肥膩。食落主要係芝士味加沙律醬味，都幾夾㗎！白雪芝士雞 Snow cheese chicken ($72)我地都想叫一款雞試下，因為見呢隻雞叫白雪咁好聽就試下。上到嚟都幾大份下，總共七件，係咪代表七個小矮人？上面有好多芝士粉好甜，不過唔洗怕太重口味因為都仲有沙律可以緩衝下。海鮮雜菜炒烏冬 Seafood stir fried udong noodle ($68) 韓國嘢食都比較甜，呢個都唔例外。不過甜甜地鹹鹹地又幾好食。雖然佢都幾平，但其實都幾多餸，有好多魷魚呀！韓式炸醬年糕 Jjajang Topokki ($72)我我中意食年糕，煙煙韌韌咁好好咬。炸醬味道不錯，唔會太鹹。竟然仲有好好味嘅芝士竹輪！推介！上面四個餐除咗焗雞之外都有送原味炸雞。每份都有五六舊，好抵食！啲雞都夠脆同滑，我覺
薄餅 Dodam Pizza ($65)
午市都有幾種薄餅揀，我地當然叫佢地個招牌薄餅嚟試下！嘩，個薄餅好大份好靚呀！估唔到六十五蚊都咁足料，足足有八大件！有啲沙律係個薄餅上面，食落會冇咁肥膩。食落主要係芝士味加沙律醬味，都幾夾㗎！
白雪芝士雞 Snow cheese chicken ($72)
我地都想叫一款雞試下，因為見呢隻雞叫白雪咁好聽就試下。上到嚟都幾大份下，總共七件，係咪代表七個小矮人？上面有好多芝士粉好甜，不過唔洗怕太重口味因為都仲有沙律可以緩衝下。
海鮮雜菜炒烏冬 Seafood stir fried udong noodle ($68)
韓國嘢食都比較甜，呢個都唔例外。不過甜甜地鹹鹹地又幾好食。雖然佢都幾平，但其實都幾多餸，有好多魷魚呀！
韓式炸醬年糕 Jjajang Topokki ($72)
我我中意食年糕，煙煙韌韌咁好好咬。炸醬味道不錯，唔會太鹹。竟然仲有好好味嘅芝士竹輪！推介！
上面四個餐除咗焗雞之外都有送原味炸雞。每份都有五六舊，好抵食！啲雞都夠脆同滑，我覺得原味嘅永遠都係最好食嘅！
午市套餐比較平，除咗每個餐會包一個嘢飲之外，仲有任食韓式小食：有泡菜同韓式粉絲，都幾滋味開胃。我地兩個叫咗四個餐所以有四個飲品。可以揀柚子蜜或者雪櫃入面嘅嘢飲，第一次飲蘋果茉莉茶，發覺茉莉味好香。
Post
