"牛牧"除左撑佢係黃店之外，食物既質素都好重要
行完家樂坊個AEON，起附近搵下有咩野食
起門口睇左個餐牌，價錢唔貴，好吸引
有茶餐廳既招牌，係黑牛啊!!!!!
最初睇menu毫不猶豫點
但睇住其他人點左"白牛"、"金牛"、黃牛"、"紅牛"
先發現原來餐廳設計左咁多特色飲品，下次一定要試試
牛牧首選漢堡$69
手打免治牛肉，啖啖肉
炸得好脆，有埋其他材料煙肉、炒蛋、芝士，最特別係落左一塊菠蘿添
好特別，食落仲未咁膩
薯條同沙律菜份量都唔少架!!!
絕對要try try
足料鳳尾蝦多士$48
炸得好靚，個蝦專登起個面都有件
裡面個夾心仲有蝦肉架!果然足料，每一啖都有蝦，脆卜卜
芝士蛋糕，雖然個底厚左D，但上層芝士味都幾濃
最吸引既始終都係焦糖窩夫配士多啤梨雪糕
烘到脆卜卜的窩夫，撈埋D焦糖、士多啤梨汁
再加上凍冰冰的雪糕，果然口味複雜
