一記小廚 (Closed)

閒閒地想食個下午茶，亂咁行入一條小巷，亂咁食咗依間餐廳，驚喜又說不上，不過都算穩打穩紮，係一間有香港特色嘅小店。滑蛋叉燒飯，香港打工仔應該冇邊個未食過。呢度賣得唔貴，50幾蚊中環價錢來講正常啦，叉燒可以多幾塊囉，但係佢碟野嘅份量係夠飽嘅，啲滑蛋唔算係最滑最香嗰隻，佢啲叉燒就幾好食，小小半肥瘦咁，我個人喜好係要肥多少少就最正喇。炸雞髀襯薯條其實冇可能難食嘅，佢隻雞髀嘅味道都醃得幾好，都做到外脆內軟嘅，啲肉仲好juicy添，30幾蚊夫復何求？佢啲雞皮冇乜粉，我自我感覺良好覺得食咗都唔會覺得好飽滯。我欣賞佢啲薯條夠 raw，唔會話加好多鹽加好多調味粉咁。雞髀同埋薯條都係即叫即炸非常新鮮熱辣辣。總括來講，都幾抵食嘅。