前菜有麻辣雲耳、青瓜同埋刺身，刺身不是hea既，有三文魚、北寄貝、帆立貝、牡丹蝦、八爪魚！食完之後上左碟生果，清清喉嚨，然後第一主角要出場勒 - 鷄煲！
焗20炒—>快炒—>焗20秒—>快炒—>焗20秒—>快炒—>焗20秒—>食得！我唔算食得好辣，揀左個小辣，👌🏻，不過略嫌唔夠刺激😂，下次挑戰中辣！鷄煲真係好香好惹味！啲鷄堅唔鞋！食鷄煲既精髓係紫洋蔥！入哂味！🤤
三扒兩撥我地已經KO左個鷄煲，跟手亞姐擺低左碗咁既野落黎，話俾我地洗下條👅先打邊爐。原來係透明涼粉！而家興透明呀😂透明奶茶透明可樂d fd😂
第二主角出場勒！留意番湯底係冇得揀既，得一款生果湯底😂😂一聽到生果湯底我地都打左個突！點呀？生果點做湯底🤷🏻♀但上枱果一刻已經聞到鮮味，有啲似阿媽煲既鷄湯，係落埋海鮮更加鮮甜😋
介紹番個海鮮盤：海蝦、蟹、聖子、帶子、龍躉魚片、鑽石蜆、鮑魚！個人最所賞龍躉魚片，魚肉彈牙，encore左4次！
仲有呢盤牛頸脊，有牛味，唔係雪藏野，我老公食左半盤🤪其他打邊爐料仲有雲吞、餃子、各式丸類、響鈴、炸魚皮、蔬菜盤⋯個肚唔爆都算係咁~
臨尾食埋個燕窩燉蛋白，完美既句號！媽呀，我好飽兼好滿足🤩
